Fann styrken i morgonljoset

16.10.2026
Fann styrken i morgonljoset
Privat
Mona Lisa Høibø Golebiowska frå Heddal har skrive dikt sidan tenåra. No debuterer ho med diktsamlinga «Kunstnarsjel i morgonljos», ei bok om tru, tap og dei små tinga som held oss oppreiste.

Mona Lisa Høibø Golebiowska frå Heddal har skrive dikt sidan tenåra. No debuterer ho med diktsamlinga «Kunstnarsjel i morgonljos», ei bok om tru, tap og dei små tinga som held oss oppreiste.

– Eg er ganske sikker på at eg var den einaste som jubla inni meg då vi skulle skrive novelle på tentamen i ungdomsskulen. Då kjende eg meg verkeleg på rett stad, seier Mona Lisa Høibø Golebiowska.

Gleda over å uttrykkje seg skriftleg har følgt henne sidan. Ho er fødd i 1984, bur i Heddal, er gift med ein musikar og har fem born. Ho syng i gospelkor, strikkar og teiknar, men det er orda som ligg hjartet hennar nærast.

– Dikt har eg skrive sidan tenåra, og i tjueåra byrja eg så smått å skrive på ei barnebok. Inspirasjonen til ei diktbok har eg vel alltid hatt, men det er først dei siste åra eg har arbeidd meir aktivt mot det, fortel ho.

Resultatet er «Kunstnarsjel i morgonljos», som kjem ut på Lyrikkforlaget.

 

Kaffi, blyant og dei som var her før

Mykje av inspirasjonen finn ho i tunet utanfor tømmerstova familien har i Svartdal. Der sit ho og undrar seg over livet til dei som budde der før henne.

– Kanskje aller mest likar eg å tenkje på korleis det kan ha vore før i tida, med dei som var her før meg. Korleis levde dei, korleis tenkte dei? Bileta kjem lett då, med kaffikoppen i den eine handa og blyanten i den andre, seier ho.

Kjensla av å vere i kontakt med både natur og historie pregar diktsamlinga. Golebiowska skriv på eit nært og munnleg språk der lesaren nesten kan kjenne lukta av kaffi og skogluft. I dikta møter vi spelemannen som kappast med morgonen om å få ned den siste tonen før han glepp, løvetanna som pressar seg opp gjennom asfalten, og kvinna som endeleg bles ut ljoset og legg fingrane saman slik mor lærte ho.

 

Glede og sorg side om side

Boka rommar store kjensler, og Golebiowska har ikkje vike unna dei tunge.

– Det er mykje kjensler i denne boka, og kjensler har vi jo hatt til alle tider, ung som gammal. Eg har prøvd å få fram gleda over gode minne og enkle gleder, som sol tidleg om morgonen før ein ny arbeidsdag, den barnslege gleda ved å danse i skogen, eller kaffi i koppen og ein stå-på-vilje som blir ekstra sterk fordi nokon elskar deg, seier ho. – Men også sorga over nokon som aldri kom, einsemd og lengt etter nokon å dele livet med.

Diktsamlinga går tett innpå tru og det å stå att åleine. Likevel er det håpet som får siste ordet. Gong på gong kjem morgonljoset att, same kor mørk natta har vore.

– Kanskje er det slik denne boka skil seg litt ut, ved å fortelje deg at same kvar du er i livet, så finst det håp og styrke. Og du kan finne det i mange former: i nokon du er glad i, i ei bøn, gjennom gode minne eller rett og slett i morgonljoset, seier ho.

 

Takksemd og undring

Ved sida av sorga og lengten står takksemda for det kvardagslege. Golebiowska har alltid likt å observere både menneske og natur, og det merkast i dikta, der små detaljar frå bygdelivet får stor plass.

– Takksemd over enkle gleder og undring over naturen er noko eg håpar å få fram, seier ho.

Forlaget skildrar boka som ei stemme frå bygda som ikkje held seg for god til å ause vatn or eit synkande skip, eller til å invitere sjølvaste nordavinden inn døra.

Sjølv om «Kunstnarsjel i morgonljos» er debuten hennar, har ikkje Golebiowska tenkt å stoppe her.

– Bok nummer to er allereie i gang, og ideane er mange, seier ho.

For ei kvinne som jubla over novelleoppgåva på tentamen, er det kanskje ikkje så rart at skrivinga no har funne vegen ut til lesarane.

Marie B. Gulbrandsen

Nyheter

– Poesi er det vi ikke kan uttrykke på annen måte

– Poesi er det vi ikke kan uttrykke på annen ...

Mot slutten av mai 2024 fikk Karin, Robert ...

Grieg møter vestlandske troll og dikt i Åsane

Grieg møter vestlandske troll og dikt i ...

Torsdag 5. november fylles Multisal i Åsane ...

Dikt på norsk og arabisk

Dikt på norsk og arabisk

Roula Hourani forlot Syria på grunn ...

Fann styrken i morgonljoset

Fann styrken i morgonljoset

Mona Lisa Høibø Golebiowska frå ...

– Kjærligheten er ikke alltid enkel eller fornuftig

– Kjærligheten er ikke alltid enkel eller ...

Hvor langt er vi villige til å gå ...

Anmeldelser

Etterkommernes arvesynd

Etterkommernes arvesynd

«Etterkommerne – skam, hat og utestengelse» ...

«Lyset over Krokskogen» - reflekterer over livets viktigste veikryss - avskjedens

«Lyset over Krokskogen» - reflekterer over ...

Trine-Lise Rygh er nå ute med en ny ...

En vaskeekte politimann om den mentale beredskap

En vaskeekte politimann om den mentale b...

Det er utrolig interessant. En vaskeekte ...

Frans av Assisi – en helgen for vår tid?

Frans av Assisi – en helgen for vår tid?

Man skal ikke ha gått så mange ...

Er selvhjelpsbøker til god selvhjelp?

Er selvhjelpsbøker til god selvhjelp?

Er selvhjelpsbøker til god selvhjelp? ...