SKALD hentar tre premier under Årets vakreste bøker

05.04.2017
SKALD hentar tre premier under Årets vakreste bøker
Årets vakreste bøker

Kvart år i mars kåra Grafill Noregs vakreste bøker, og det er ikkje uvanleg at vesle SKALD forlag i Sogn reiser heim med nokre premiar.

Under årets konkurranse vart heile tre bøker heidra. Sølv i kategorien "Skjønnlitteratur for barn og ungdom" gjekk til  Fantasiboka. Illustratør og bergensar Gunvor Rasmussen, som denne våren også er blitt eit kjent fjes  i TV2 sin serie Hagetid, har saman med designarane Silje Nes og Øystein Vidnes stått for utforminga. Boka får skryt for å ha skapt «eit gjennomført og heilskapleg univers». Boka er den femte og siste i serien som også tidligare er premiert.

–  Denne prisen har vi kapra saman! Eg har bidratt med mine mest levande illustrasjonar, henta frå fantasien til alle dei fantastiske forfattarane, og saman med designarane Silje og Øystein og redaktør Simone har vil laga ei nydeleg bok!

Dei to verdsklassikarane Forvandlinga og andre forteljingar og Frankenstein eller den moderne Prometevs, fekk også merksemd i konkurransen der 307 bøker frå heile landet var med. Dei to fekk tredje plass i kategorien "Bokomslag vaksen". Om dei to første titlane i den nye klassikarserien frå SKALD seier juryen: «Kraftfulle i si enkelheit. Bruken av sterke signalfargar og tidlause illustrasjonar som med tydelig symbolikk står godt til den nøytrale typografien, som er spesiallaget for utgivingane.» Bak designen står grafisk designar Øystein Vidnes, illusatratøren Andreas Töpfer og skriftdesignar Stefan Ellmer.

Forlagssjef Simone Stibbe er godt nøgd med at SKALD gjer det godt blant årets vakraste bøker.

– Det er spesielt givande for oss å bli premiert i denne konkurransen sidan vi over lang tid har satsa på design og høg kvalitet, seier forlagssjef Simone Stibbe

Formålet til Årets vakraste bøker er å heidre utøvarane i den visuelle delen av bokbransjen, og inspirere forlag, forfattarar, grafisk designarar og illustratørar til å lage kvalitetsbøker i alle sjangrar. Til saman var 307 bøker utgitt i 2016 meldt på til konkurransen. 

 

 

Anna Hovhannisyan

Nyheter

Musikken reddet norske jøder  fra gasskamrene -  Av Jørn-Kr. Jørgensen, forfatter

Musikken reddet norske jøder fra gasskamrene ...

Det er 80 år siden 532 jøder stevnet ...

Lyst mørke vant Årets Ulest

Lyst mørke vant Årets Ulest

Torsdag ble det klart at årets vinner ...

Det lille følelsesspillet - SPILL

Det lille følelsesspillet - SPILL

Spillet som styrker båndet mellom deg ...

Mobilfri jul

Mobilfri jul

Å se noen, virkelig se dem, høre ...

Heidi Austlid går fra IKT-Norge til Forleggerforeningen

Heidi Austlid går fra IKT-Norge til Forl...

Forleggerforeningens direktør Kristenn ...

Anmeldelser

Viktig politihistorie om Møllergaten 19

Viktig politihistorie om Møllergaten 19

Den gamle hovedpolitistasjonen i Oslo, Møllergaten ...

Alltid søkende, alltid underveis ...

Alltid søkende, alltid underveis ...

Mantraet «alltid søkende, alltid underveis» ...

Når et politihjerte banker

Når et politihjerte banker

Det foreligger ikke for mye litteratur skrevet ...

Konkret og direkte om Irans moderne historie

Konkret og direkte om Irans moderne hist...

Den som vil vite mer om Iran og Irans moderne ...

Refleksjon og dybde

Refleksjon og dybde

På bordet foran meg ligger Ann Kristin ...