Ei forsvinning og ein bestialsk plan, innpakka i religiøse førestillingar

15.08.2014
Ei forsvinning og ein bestialsk plan, innpakka i religiøse førestillingar
Forfatterfoto

Fatima, ei 18 år gammal norsk-somalisk kvinne, vert borte frå Stord vidaregåande skule, der ho er elev. Mykje tyder på at det er familien hennar som står bak forsvinninga, og at ho skal sendast til Holland for å giftast bort til ein eldre somalisk mann. Saka tek ei ny retning når fleire avisredaksjonar mottek ein mail, skriven av ein som kallar seg for Alfred von Tirpitz, og som påstår at det er han som har bortført Fatima. I detalj skildrar han ein bestialsk plan.
Dette er opptakta til spaningsromanen "Offer" av Per Jan Ingebrigtsen, som tek opp i seg eit dagsaktuelt tema me ikkje lenger kan skyva under teppet.

Per Jan Ingebrigtsen har gjeve ut både diktsamlingar, skodespel, høyrespel og barnebøker. I alt åtte eigne skjønnlitterære bøker, pluss reine sceniske verk. Han har vore representert med dikt, songar, noveller og eventyr i fjorten antologiar på ulike forlag, samt med dikt, eventyr og scenar frå skodespel, i fleire læreverk innan norsk- og dramafaget. Han har medverka med songtekstar på til saman tolv CD-/LP-plater, bl.a. på utgjevingar med Kenneth Sivertsen, Ivar Medaas og Helge Jordal. Han har fått skodespel framført på fleire profesjonelle scenar i inn- og utland. Dette er hans første spaningsroman.

 Eg har i mange år veksla mellom å vera forfattar, teaterregissør og pedagog. I jobben min som pedagog i vidaregåande skule og folkehøgskule, har eg undervist – og vorte godt kjend med mange elevar som kjem frå andre himmelstrøk. Fleire av dei har vore unge kvinner som har streva med eigen identitet – og ikkje minst har dei streva med å frigjera seg frå ein dominerande mannskultur, som gjerne er innpakka i religiøse førestillingar. Dette kan i verste fall gå på livet laust, slik det gjer med Fatima, ein av hovudpersonane i "Offer", seier han.

 Drivkrafta hans til å skriva "Offer", har vore møte med nokre tapre unge muslimske jenter/kvinner, som ikkje ville la seg hersa med – sjølv om det i verste fall kunne føra dei ut i livsfare. Han vil også syna at det ligg "ein dynamittgubbe" innpakka i all religiøs fanatisme, uansett kva for religion me talar om.

 Eg prøver å fortelja at fanatisme er råvara i ein kvar terrorist si våpensmie. Ut over det får lesaren sjølv få finna fram til bodskapen utan teskei-hjelp frå forfattaren. Målgruppa mi er først og fremst ungdom i aldersgruppa vidaregåande skule, men eg trur også at eldre, godt vaksne lesarar, vil ha utbytte av å lesa boka, fortsett han.

 Sidan eg i utgangspunktet er mest kjend som dramatikar og regissør, tenkte eg først på å skriva eit skodespel, men eg så snart at prosjektet også kunne enda opp som ein roman, utan at eg difor har skyve teatertanken frå meg. Eg håpar sjølvsagt at romanen når ut til eit stort publikum – og at han både vil vekkja oppsikt – og fremja diskusjon, seier han til sist. 

Carsten Flo

Stikkord i denne artikkelen
Forsvinning, Bestialsk plan, Fanatisme,

Nyheter

Heidi Austlid går fra IKT-Norge til Forleggerforeningen

Heidi Austlid går fra IKT-Norge til Forl...

Forleggerforeningens direktør Kristenn ...

Kunstneren Tor Wilthill runder 90

Kunstneren Tor Wilthill runder 90

Tor Wilthill har et skarpt blikk og sans ...

NRK utforsker norsk slavehistorie på St. Croix

NRK utforsker norsk slavehistorie på St. ...

NRK-duoen Gokstad og Bache utforsker et mørkt ...

Når sæden svikter

Når sæden svikter

Forplantningsevnen er i fritt fall i Norge ...

Posthumt fra Jan Roar Leikvoll

Posthumt fra Jan Roar Leikvoll

Jan Roar Leikvoll (1974-2014) debuterte ...

Anmeldelser

Å få mennesker til å virke sammen

Å få mennesker til å virke sammen

Jeg ser på meg selv som pasifist. Jeg ...

Spennende bok om vanskelig drapsetterforskning

Spennende bok om vanskelig drapsetterfor...

Boken «Drapet i Söndagsvägen» ...

Krigshelten Ingeborg Holm ut av skyggenes dal

Krigshelten Ingeborg Holm ut av skyggenes ...

Ut av skyggen stiger Ingeborg Holm fra Bindal ...

Bli med på reise i det norske Storbritannia

Bli med på reise i det norske Storbritan...

Gry Blekastad Almås sin lengde bebudede ...

Trine-Lise Rygh aktiviserer en tankeprosess som både er vond og nyttig

Trine-Lise Rygh aktiviserer en tankeprosess ...

Det er som om denne boka – «Hundedager» ...