Handskriven tilbakemelding til bokbåten Foto Bente E Lund
Mange menneske vil få eit dårlegare liv dersom bokbåten vert lagt ned. Bokbåten når ut til borgarar som bur lengst unna kulturhusa - og dei minst mobile av desse: Dei yngste og dei eldste.
Bibliotek er eit kostnadseffektivt tiltak for samfunnsutvikling. Vi meiner at pengar spart på bibliotek vil ein sjå att i auka kostnader i skule- og helsetenester.
Kulturminister Thorhild Widvey har uttalt at biblioteka er dei viktigaste kulturhusa vi har. Statsbudsjettet har ei auke i utviklingsmidlar til biblioteka. Bibliotek skal "utvikle sin funksjon som kunnskapsformidlere i en digital tid og gjøre bibliotekene bedre i stand til å formidle sitt litteratur- og kulturtilbud.". Det krev at fylkeskommunane og kommunane følgjer opp. Det er ikkje mogeleg å utvikle noko ein har lagt ned:
Så ikkje legg ned det flytande kulturhuset vårt!
Sjå facebook-aksjonen « Ikkje rør bokbåten vår».
Norsk Bibliotekforening er ein interesseorganisasjon for bibliotek og bibliotekbrukarar. Vi må reagere når det vert foreslå 24 % kutt i kulturbudsjettet i Sogn og Fjordane. Dette går direkte utover bibliotekbrukarar.
Redaktør -