Forlagshuset Publica
Per Jan Ingebrigtsen
Spennande norsk roman for ungdom og vaksne
Me er i år 870 etter Kr. - nokre få år før Harald Hårfagre legg ut på erobringstokta si. Den irske ungjenta, Rafarta, vert røva av vikingar og teken med på ferda mot den norske vestkysten.
Etter å ha styrt gjennom eit valdsamt uver ute i Nordsjøen, legg eit utsliten skipsmannskap seg til ro på sørsida av Stord.
Om natta maktar Rafarta å rømma frå skipet.
Det vert opptakten til ei farleg og spanande flukt for å komma seg unna mannskapet, som tek opp jakta.
Per Jan Ingebrigtsen debuterte med diktsamlinga «Rotbløyte» i 1975 og har sidan skrive skodespel, høyrespel, diktsamlingar, romanar, barnebøker og læreverk. Fleire dikt og eitt skodespel er omsett til engelsk. Han har elles skrive tekstar til om lag 120 songar, mange av dei utgjevne på plate og strøyming.
Ingebrigtsen fekk Stord kommune sin kulturpris i 2011.
OM RAFARTA:
Handlinga føregår kring år 870 etter Kr. - nokre få år før Harald Hårfagre erobrar kystlina.
Den irske ungjenta, Rafarta, vert teken til fange av norske vikingar og ført til ei øy ute i Irskesjøen, kalla Træleøya, før ferda går vidare til Island, der trælar vert bytta i kvalrossolje og reip av kvalrosskinn.
Den brutale vikinghovdingen, Bjørn Raudskjegg, ser ut til å ha spesielle planar for Rafarta, for ho vert med på ferda vidare mot den norske vestkysten. Etter å ha styrt gjennom eit valdsamt uver ute i Nordsjøen, kjem eit utslitt skipsmannskap inn til Eldøyane på sørsida av Stord, og søkjer der ly i smulare farvatn.
Om natta ser Rafarta sin sjanse til å stikka av frå eit snorkande mannskap. Ho smyg seg over ripa og let seg siga ned i sjøen.
Ungjenta er ein god symjar. I nokre blenkjande lynglimt, skimtar ho landet, og eit skipsnaust inne på den høgreiste øya, Stord.
Det skal bli ei farleg og spanande flukt gjennom delar av Hirotha, som var irane sitt keltiske namn på Norskekysten. Ho vil heim til Irland, der bestefar Austmann er ein berømt skipsbyggjar, og der ho sjølv har fått prøva seg med kniv og øks. Men først gjeld det å komma seg unna Bjørn Raudskjegg, som tek opp jakta på henne, og som lovar ut dusør til den som kan komma dragande med henne - levande eller daud …
BOKFAKTA:
Tittel: Rafarta
Forfattar: Per Jan Ingebrigtsen
ISBN: 9788284162409
Format: 13 x 20
Antall sider: 65
Innbinding: innbundet
Utsalgspris kr 329.00
Mai Britt Hareide